Sammineqarsinnaasut ataatsimut takuneqarsinnaalerput
Sammisassat.gl suliarineqarsimavoq inunnut ataatsimoorfissanik, sammisassanik sunngiffimmilu soqutigisanik ujartuisunut. Nittartakkami uani neqeroorutaasut ataatsimut pisariitsumik takusinnaalerpatit, nammineerlutillu sunngiffinni ingerlatassatut soqutigisannik inniminniisinnaalerlutit.
Nunarsuarmi nuannarinerpaasat tassaava arsarneq? Imaluunniit qaqqani pisuttuarusunneruit? Imaluunniit marriorneq misilikkusuppiuk? Imaassinnaavoq aamma eqqissillutit qalipaarusunnerusutit imaluunniit illoqarfigisanni/nunaqarfigisanniluunniit erinarsortartunut peqataasalerusuttutit? Kalaallit Nunaanni sunngiffimmi ingerlanneqarsinnaasut arlaqarput – eqqumiitsiliorneq, timersorneq pinngortitamilluunniit atuilluarneq.
Nalunngilluinnarparpullu – ingerlanneqartarput!
Sunngiffimi ataatsimoorneq
Sumiiffinni arlalinni sunngiffimmi sammisassat ataatsimoorfiupput. Sunngiffimmi aalluttakkagut allanik peqateqarluta ingerlakkajuppagut, taakkualu immikkuullarissumik ataatsimoornermik misigisitsisarput amerlasuutigullu ikinngutigiilluarnermik pilersitsisarlutik. Soqutigisatsinni immitsinnut nassaarisarpugut. Akunnerpassuarni ataatsimoorfitsinni. Ataatsimoorluta misigisarpassuatsinni.
Peqatigiiffimmi ataatsimoorneq nassaariuk
Sammisassat.gl aqqutigalugu Kalaallit Nunaanni peqatigiiffiit takuneqarsinnaapput. Nittartakkami peqatigiiffiit kommini inissisimaffigisaa sammisassallu neqeroorutigineqartartut takuneqarsinnaapput. Sammisassat.gl aqqutigalugu peqatigiiffik ilinnut, ilaquttannut meeqqannulluunniit tulluartoq nassaariuk.
Sunngiffimmi sammisaqarneq peqqinnartuuvoq, allanik peqateqarneq allanillu sammisaqaqatigiinneq nuannaalersitsisarpoq. Tamaattumik ilinnut ilaquttannullu illoqarfinni/nunaqarfinni sunngiffimmi aallutaqarniarusuttunut iliuuseqarnissaq pisariinnerulersikkusupparput.
Sammisassat.gl – ataatsimut takussutissiiffik inniminniiffillu ineriartortoq
Sammisassat.gl-imi periarfissarpassuarnik uajrtuisinnaalereerputit inniminniisinnaalereerlutillu, aammalu Kalaallit Nunaanni peqatigiiffiit sammisassallu ingerlatassat takusinnaalereerpatit. Taakkuinnaassanngillalli. Suli isumassarsiaqarpugut ineriartortitassatsinnik, Sammisassat.gl-ilu ingerlaavartumik ineriartortinneqassaaq. Ataatsimoorlutami sunngiffimmi soqutigisat pitsanngorsassavagut ataatsimoorlutalu 2030-mut takorluugaq anguniassavarput. Taamaattumik ingerlaavartumik periarfissanik nutaanik saqqummertoqartassaaq sulissutigaarpullu Kalaallit Nunaanni sunngiffimmi sammineqarsinnaaasut tamakkerlutik ilinnut, ilaquttannut kammalaatinnullu ersarinnerulissasut tikikkuminarnerulissasullu.
Malinnaagit Kalaallit Nunaatalu ataatimoorluta aalanerulernissaanut ineriartortitsinitsinnut peqataallutit.
Sammisassat.gl nittartagaavoq sammisassanut, peqatigiiffinnut Kalaallit Nunaannilu orninneqarsinnaasunut ataatsimut takussutissiisoq. Nittartagaq atorlugu ilaquttatit peqatigalugit sumiiffimmi ilinnut naleqquttunik periarfissanillu inniminniisinnaavusi. Sunngiffimmi ingerlanneqarsinnaasut ersarissut periarfissallu aqqutigalugit peqqinnerusumik susassaqarnerusumillu inuuneqalersinnaavutit.
Sammisassat.gl pilersinneqarpoq Kalaallit Nunaanni kommunit Kalaallit Nunaannilu Timersoqatigiit Kattuffiat (GIF) suleqatigiinneratigut – Kalaallit Nunaanni sunngiffimmi sammineqarsinnaasut pitsanngorsarneqarnissaat kiisalu Kalaallit Nunaata 2030-mi nunani tamani aalatitsinerpaanngornissaa anguniagaraarput.
